بنود
مساعد قانوني للمحامي والمواطن · مصر

القانون المصري بين إيديك، بنصوصه لا بالتخمين.

مساعد قانوني للمحامي والمواطن. يجيب من نصوص القوانين المصرية وأحكام محكمة النقض فقط، وكل حكم في الإجابة معه اقتباس حرفي من المادة ورقمها وقانونها، يُفحص آليًا قبل أن يصلك. وما لم يجد له نصًا يقول إنه لم يجده.

من غير بطاقة ائتمان10 أسئلة مجانًانصوص مصدرها معروف
⚖️ بنود
↑
55,887نصًا قانونيًا بمصدره
24,496حكمًا لمحكمة النقض
30,578مادة قانون ولائحة
657قانونًا ولائحة وقرارًا
أرقام حية من القاعدة نفسها، مش مكتوبة بإيدينا · آخر بناء 2026-10-14

ليه بنيناه

النص القانوني في مصر متفرّق: قوانين عُدّلت عشرات المرات، ومواد ملغاة لسه بتتنشر كأنها نافذة، وأحكام النقض اللي بتفسّرها في أرشيفات ممسوحة ومواقع متناثرة. المحامي بيدوّر بالساعات قبل الجلسة، والمواطن بيتصرف على كلام سمعه.

وبرامج الدردشة العامة زوّدت المشكلة: بتكتب رقم مادة بثقة كاملة، والرقم غلط. في القانون الغلطة مش عطل في برنامج؛ إنسان بيتصرف بناءً على معلومة خاطئة.

فبنينا قاعدة النصوص الأول، وبعدين مساعدًا ممنوع من الإجابة من ذاكرته: كل حكم يقوله لازم يكون مقتبسًا حرفيًا من نص عندنا، وإلا ما يتقالش.

«في القانون الغلطة مش عطل في برنامج. إنسان بيتصرف بناءً على معلومة خاطئة.»

إزاي بيجاوب

خمس خطوات، كل خطوة منها كود يتقاس، مش وعدًا في برومبت.

يفهم ويقسّم

يقرأ سؤالك ووقائعك ويحدد المسائل اللي بيثيرها زي ما المحامي بيخطط قبل البحث: الحكم، وشروطه، والميعاد، والدفع، والجزاء.

يدوّر في النصوص

بحث دلالي ولفظي معًا داخل القوانين اللي تخص المسألة وأحكام النقض اللي فسّرتها، وبيرجّح النص الأحدث على القديم.

يكتب كل مسألة من موادها

كاتب لكل مسألة ما بيشوفش غير نصوصها، فمفيش مادة بتتلخبط بمادة.

يفحص قبل ما يرسل

كل اقتباس يُطابَق حرفًا بحرف ضد نص المادة. حكم بلا نص يسنده يُحذف من الإجابة، ومدقق تانٍ بيراجع إن المادة بتقول فعلًا اللي نُسب لها.

يسأل قبل ما يجزم

الواقعة اللي الحكم بيتوقف عليها وما ذكرتهاش بتظهر سؤالًا ليك، والحكم مشروطًا بها.

من داخل المنتج

لقطات حقيقية من النسخة الشغالة اليوم، مش تصميمًا.

سؤال كامل في 15 ثانيةمن الكتابة لحد المصادر، كما يحدث فعلًا · تحميل الفيديو

تقرير مراجعة عقد

تقرير مراجعة عقدكل بند خطر بدرجته واقتباسه واقتراح تعديله

ملف القضية

ملف القضيةأوراق القضية ومحادثاتها في مكان واحد، محفوظة مشفّرة

إجابة بالإنجليزية

إجابة بالإنجليزيةالسؤال بالإنجليزي يتجاوب بالإنجليزي، والاقتباس يفضل بنص المادة

اقرأ تقرير مراجعة حقيقي →قضية نموذجية بعقدها وتقريرها كاملًا بمصادره، من غير حساب.

الأمانة قبل الذكاء

الموديل ممنوع من الإجابة من معرفته: القاعدة هي المصدر الوحيد.
لما ما يلاقيش نصًا بيقول «ما لقيتش»، وده نجاح عندنا مش فشل.
العقد أو الصحيفة اللي بترفعها وقائع مش قانون: بيقتبس منها البند ويحكم عليه من المواد، ونصها ما بيتحفظش بعد المحادثة.
تحت كل إجابة زر «صح / فيها غلط»: المحامون في التجربة أول قرّاء، وكل إجابة قالوا إن فيها غلطًا بنقراها بأثرها الكامل.
44/50
على اختبارنا الداخلي من 50 سؤال محامٍ لم يرها التطوير، 44 إجابة عدّت فحص الاستشهاد والتغطية. الفحص بيقيس إن الإجابة استشهدت بالنص الصحيح وما اخترعتش رقمًا؛ صحة الفهم القانوني بيحكم عليها المحامون، ولسه بنقيسها معاهم.

لمين؟

للمحامي أولًا: تحضير الدفوع، مراجعة عقد، التأكد من ميعاد أو نص قبل الجلسة. وللمواطن اللي عايز يعرف النص قبل ما يتصرف. المرجع وأحكام النقض وحاسبة المواعيد مفتوحين بلا حد، والشات 10 أسئلة للتجربة ثم حساب مجاني بحد يومي.

مين وراه

بنود مشروع مصري مستقل بدأ في 2026، بيتبني في مصر لمحامي مصر. القاعدة بتكبر فرعًا فرعًا بالترتيب اللي بتفرضه إحالات القانون نفسه، لا بالترتيب الأسهل.

جرّبه على سؤال حقيقي عندك دلوقتي

10 أسئلة بدون حساب، وبعدها حساب مجاني

جرّب مجانًا →